Memorandum kalabut sa operasyon sa sabungan sa Bukidnon gipagula

54

GIPAGULA ni Provincial Governor Jose Ma. R.Zubiri, Jr. ang Memorandum Order No. 18, Series of 2021 alang sa tanang City/Municipal Mayors ug sa Chiefs of Police sa Bukidnon, agi ug pahimangno kalabut sa operasyon sa mga sabungan sa manok sulod sa probinsya.

Nagpahinumdum si Zubiri nga sukad nagsugod ang COVID-19 pandemic, napaubos ang Bukidnon sa Community Quarantine, diin sa gitakda nga mga basihan ug health protocols sa IATF alang sa probinsya, ubos ang ihap sa COVID-19 cases kumpara sa ubang probinsya. Apan tungod sa subling pagpa-bukas sa operasyon sa mga sabungan sa manok pinasikad sa DILG Memorandum Circular No. 2020-140 pinitsahan Oktobre 23, 2020, na-obserbahan nga nagkataas ang ihap sa kaso sa COVID ning kasamtangan.


Sa sitwasyon sa mga sabungan, makita nga gitugut ang personal nga pagtan-aw sa ekshibisyon sa panag-away sa manok kung aha klaro nga nakalapas sa gitakda sa kinatibuk-ang provision sa nasangpit nga kamanduan, partikular sa Section IV, 2.

Pursigido ang gobernador nga ipatuman ang angayang buhaton, sama sa hugot nga pag-monitor sa mga mayor ug mga hepe sa kapulisan sa operasyon sa sabungan sa manok nga magsunod gayud sa estriktong mandatu nga makita sa provision sa maong Memorandum Circular 2020-140 sa DILG.

Kung mapakyas sa pagsunod ug pagtuman niini, hayan magresulta kini sa suspension sa operasyon sa cockpit arena sa tibuok probinsya.

Facebook Comments