Davao City – Gidawat ni Task Force Davao Commander Col Nolasco Mempin ang hagit ni Davao City Mayor Sara Duterte-Carpio nga walay mahitabong pagpamomba sa lungsod sa musunod pang napulo ka tuig.
Gibutyag ni Mempin atol sa interbyu sa DXDC RMN Davao nga aduna may nahitabong insidenteng pagpamomba kaniadto sulod sa 15 ka tuig sa Task Force Davao paningkamutan niini ilawom sa iyang pagdumala nga magpabiling lig-on ug hugot pa ang seguridad sa dakbayan aron dili kini masubli pa nga malutsan sa mga terorista ang syudad.
“She (Mayor Sara) challenge us that for another 10 years that there will be no bombing and we accept the challenge because that’s our mandate to ensure that no bombing incidents will occur here in Davao City,” matud ni Mempin.
Gipaabot ni Mempin ang iyang pasalamat sa Local Government Unit ug uban pang mga ahensya sa padayong suporta ug sa mga kooperasyon sa katawhan aron nga magpabiling malinawon ang syudad.
Gisaad ni Mempin nga mamahimong luwas ang dakbayan batok sa terorismo diin dinhi usab nagpuyo si Presidente Rodrigo Duterte.
RadyoMaN Aimee Guinita
