Davao City – Kumpirmadong tungod sa meningococcemia ang gikamatyan sa 4-anyos nga batang lalaki nahitabo niadtong Agosto 30 kinsa gi-admit usa ka pribadong ospital dinhi sa syudad sa Davao.
Saysay ni Dr. Jack Estuart, attending physician sa namatay’ng biktima, gisaysay niini nga alas-10 niadtong Agosto 30 gidala ang pasyente sa iyang apohan human naka sinati kini og pagsuka ug kalintura gani pagka alas-3:00 sa kahaponon nakabsan kini sa kinabuhi.
Matud niini nga ang gikamatay sa bata mao anv ulahi nga pagdala niini sa balay-tambalanan.
Subay niini walay angay ikabalaka ang publiko niini gumikan nalapatan sa DOH ug sa Brokenshire Hospital og post-exposure prophylaxis ang naka close contact sa maong pasyente pito ka adlaw ang milabay sama sa mga classmates, pamilya, nurses ug doctors.
Gipasabot ni Allyne Aguelo, Pediatric Infevtions Disease Specialist, kita tanan nagbaton na og meningocal virus ug mamahimo lang kining meninggocal disease panahon nga ma-trigger kini pinaagi sa respiratory infection, crowded places, di himsog nga panglawas sama sa pagpanigarilyo ug uban pa.
Samtang gikanayon sa ni Dr. Anabelle Yumang, Regional Director sa Department of Health (DOH) nga dili airborne disease ang meningococcemia ug makatakod lang kini pinaagi sa direct contact sa nagbaton niini ingon man pinaagi sa ubo, sneezing, kissing, pag share og pagkaon ug ilimnon gani walay angay kabalak-an ang publiko nga hilayo sa pasyente.
Ingon man gi awhag ilabi na ang netizens nga diki magpakalat og dili beripikadong impormasyon diha sa social media.
Ang patay’ng lawas sa biktima gisunog human kini makuhaan og blood samples sa susamang adlaw kini namatay.
Balik normal na usab ang operation sa ospital human kini gipailawom sa standard medical protocol.
RadyoMaN Jason Amisola
