Davao City – Mag-atubang og kasong theft ang menor de edad nga si alias Dodong, taga Lizada, Toril, Davao City, human nanguha og duha ka bag nga adunay sulod nga cellphone ug cash sa dihang nakita sa CCTV Camera, niadtong milabay’ng gabii August 9, 2023 sa Juan Luna Street, Davao City.
Sa interview sa DXDC RMN Davao kang Police Captain Rizalito Clapez, Deputy Chief sa Sta. Ana Police Station gibutyag niini, nipatim-aw na kagahapon Agusto 10, 2023 ang complainant nga maoy tag-iya sa bag.
Segun ni Clapez, gihulat pa karong adlawa ang complainant kung mokaso ba kini batok sa suspetsado. Dugang sa opisyal, gikustodiya na ang maong menor de edad sa City Social Welfare Delopment Office (CSWDO) sa bahay pagasa.
Kahinumduman kagahapong adlawa Agusto 10, 2023 na-rescue sa mga personahe sa Sta. Ana Police Station ang suspetsado sa Magsaysay Park, Davao City.
RadyoMaN Don Pulayao
Facebook Comments
