Kini human giila sa Tagum City Police Station ang biktima nga si Robert Solosi nga taga Compostela, Davao de Oro kinsa napalgan nalang nga dugta na sa Tagum City.
Sa interview sa DXDC RMN Davao kang PCpl. Jemuel Bayan, imbestigador sa Tagum PNP, gibutyag niini nga base sa testimonya sa mga kaila nga patay na ang inahan niini ug ginakulata sa iyang step father hinungdan nga milayas ang batan-on ug nanarbaho sa Tagum.
Apan kalit matud pa kining miundang sa trabaho ug adlaw-adlaw magpundo sa internetan nga wala nay kaon-kaon ug pipila ka adlaw, wala na kini nakita pa sa computer shop.
“Mao nay storya sa iyang isa ka kauban nga nagdala niya dinhi. Nikuyog na siya diria padulong Tagum kay kuno ginakulata sa iyang step father kay wala na sad siya’y mama kay namatay na daw. Naa nasad daw nay illness kay kalit ra siya’g kapandol ug mahulog ra og kalit sa kanal samtang naglakaw. Naa ra sad na siya sa internetan unya dili na sad nagakaon didto,” saysay pa ni Bayan.
Segun ni Bayan nga base sa inisyal nga imbestigasyon, namatay ang biktima tungod sa sakit ug sa karon, padayon ang ilang pag-contact sa pamilya biktima aron ipahibalo ang maong insidente.
RadyoMaN Ivy Parido
