Davao City – Gikumpirma sa Coast Guard Davao del Norte nga ang patay’ng lawas nga napalgan gahapon Enero 19, 2024 sa Purok 4 Patilan, Brgy. Bongbong, Pantukan, Davao de Oro mao ang batang 14 anyos nga una nang gikatahong missing.
Sa interview sa DXDC RMN Davao kang Ensign Jethro Pastorfide, Coast Guard Station Davao del Norte Station Commander, ang batang nakit-an sa dagat sa de Oro mao ang batang si Cyrus Galabin kinsa gituohang naanod sa tubig samtang naligo og sapa sa Barangay Tuganay, Carmen, Davao del Norte niadtong Enero 17 ning kasamtangang tuig.
Butyag sa opisyal nga human nila nadawat ang report, dali kining giadtoan sa ilang tropa ug didto na positibong giila sa pamilya ang biktima.
Nakita usab sa otoridad ang posibilidad nga tungod sa kakusog sa bul-og sa tubig ug padayong pag-ulan, naanod ang lawas paingon sa Pantukan.
RadyoMaN Ivy Parido
Facebook Comments
