Davao City – Patay na nga napalgan ug narecover sa mga rescuers sa Central 911 ang lawas sa 15-anyos nga batang lalaki nga nasayrang pila na ka adlaw nga nawawala human maligo sa Davao River alas 4:30 sa hapon niadtong Oktubre 26, 2025, sa Las Suerte Street, Barangay Mandug, Davao City.
Sa report gikan sa Davao City Police Office (DCPO), ang biktima usa ka menor de edad nga estudyante ug residente sa Bayanihan, Barangay Mandug, ning dakbayan.
Sumala pa, kagahapon adlawa, pasado alas 8:00 sa buntag, Oktubre 28, 2025, naretrieve ang patay’ng lawas sa biktima sa Purok 4-A, Sta. Marina, Barangay Tigatto, ning syudad.
Kahinumdoman nga ang biktima kauban sa iyang barkada nga si alyas “Jade” samtang naligo sa maong sapa atbang sa Barangay Bayanihan. Nagkupot pa unta ang biktima sa punoan sa kawayan apan tungod sa kakusog sa bul-og sa tubig, hinungdan kini nga naanod siya.
RadyoMan Don Pulayao
Facebook Comments
