BACOLOD CITY – Nadakpan kagab-i sa buy bust operation ang number sa drug watchlist sang Police Station 6 kag high-value target sang Bacolod City Police Office.
Suno sa hepe sang City Drug Enforcement Unit – Police Inspector Adrian James Albaytar, nga ila nadakpan ang 17 anyus nga ginakabig nga high value drug target sa diin nadakpan ini sa balay sang iya nobya sa Purok Gonzaga, Brgy. Taculing syudad sang Bacolod.
Pahayag ni Albaytar, madugay na nila ginapa-idalum sa surveillance ang hulat sang menor de edad kag nangin subject man ini sang operasyon sa Brgy. 31 apang nakapalagyo naman ang suspek.
Nakuha sa posisyon sang menor de edad sang apat ka bulto sang gina-patihan suspected shabu kag mga marked money.
Gina-verify man sang kapulisan kon ano ang matu-od tuod nga identify sang suspek kag kon matu-od bala nga ini ang 17 anyus pa gid lamang.
