GENERAL SANTOS CITY – Gitugyan ngadto sa Social Welfare ang menor de edad nga nisulay og dunggab sa pulis nga gitripan og kulata kauban ang laing tulo niya ka mga amigo niaging adlaw.
Nasayran sa impormasyon sa Makar Police Station giila ang pulis sa pangalang PO1 Michael Gabor sakop sa Mobile Patrol Unit og nagpuyo sa Apopong nga nagreklamo ngadto sa presinto human gisulayan siya og dunggab sa menor de edad nga gitago sa pangalang Jerome.
Nigawas sa imbestigasyon nga alas-4:30 sa niaging hapon nagtagbo ang grupong batan-on dihang nahidangat sila sa internet café iya sa pulis nga may gipangita nagpangalan og Nel-Nel.
Nisangko sa kagubot ang ilang panagtagbo apan ang menor de edad nisulay og dunggab sa likod sa pulis apan igmat kini og nakalikay dayon nag-draw sa iyang pusil og nagpailang sakop sa pulis.
Gisikop ang menor de edad og nakuha sa iyang pag-amping ang 8-inches nga kutsilyo.
