On the spot patay ang usa ka menor de edad samtang angol ang mga kauban niini human madisgrasya sa gisakyang motor alas 10 ang takna sa gabie niadtong sabado atubangan sa cosmopolitan funeral homes ning syudad sa Iligan.
Patay ang menor de edad nga si James Lahoy-lahoy, 16 anyos taga Buruun ning dakbayan sa Iligan, samtang angol ang mga kauban niini nga si leandro galvez 19 anyos, taga hinaplanon ning dakbayan sa Iligan ug laing menor de edad nga molopyo usab sa maong dapit.
Matud sa mga biktima, nga gikan sa gainom ug naka desisyon nga mangaon ug halang-halang, apan pag abot nila sa lugar , kalit silang gipara sa Pulis .
Sa kahadlok nga madakpan kini, mipatoratoy kini ug dagan ug tungod kay lango sa ilimnong makahubog, nawad-an kini ug kontrol sa motorsiklo ug nadisgrasya.
Naka angkon kini ug mga pangos ug bun-og sa kalalwasan nga daling gidala sa city hospital.
Samtang ang patayng lawas sa driver gidala na sa mary venus funeral homes.
