Davao City – Nagkadugo miabot sa Southern Philippines Medical Center (SPMC) ang usa ka batan-on human gitabangan og kulata sa 20 ka tawo ug dili pa igo gi-dunggab pa kini kagabii.
Gi-ila ang biktima nga mao si John Carlo Resando, 16 anyos ug nanimuyo sa Barangay Sirib Calinan ning siyudad kinsa nakahiagom og daghang bun-og ug samad dinunggaban ang lawas niini.
Base sa record sa traumatic center sa SPMC, igo lang matud pa nangihi sa kilid sa Calinan ang biktima dihang kalit kini gibunalan og botelya ang ulo sa biktima ug dayon gisaw-an og kulata sa 20 ka tawo.
Giiingon nga usa sa mga suspek mikuha og ice pick dayon luba sa pipila ka parte sa lawas sa batan-on sa wala pa masayri nga hinungdan.
Paspas gihatod sa medic team sa Central 911 ang batan-on paingon sa SPMC.
RadyoMaN Joel Viray
