Santiago City- Arestado ang isang menor de edad matapos itong mahulog sa ikinasang buy bust operation ng panig ng Santiago City Police Station 2 kagabi sa brgy. Dubinan West, Santiago City.
Ang suspek ay itinago sa pangalang Sonny, 17 anyos, walang asawa, isang mag-aaral at residente ng brgy. Balintocatoc, Santiago City.
Batay sa ibinahaging impormasyon ng Santaigo Police Station 2 ay natimbog ito ng mapag-alaman ng mga otoridad ang iligal na pagbebenta nito ng marijuana kaya’t nagsagawa ng operasyon kontra iligal na droga ang kapulisan.
Nakabili naman ang isang pulis na nagpanggap na buyer ng isang sachet ng marijuana kapalit ang tatlong daang piso na ginamit na buy bust money.
Agad namang dinakip ang suspek at dinala sa kustodiya ng kapulisan para sa kaukulang dokumentsyon habang ngayong araw ay isinailalim sa inquest proceedings.
