Gutalac- Patay nang nahidangat sa balay tambalanan ang usa ka biktima nga gituohang nalumos kini didto sa Carloto Beach Resort nahimutang didto sa Sitio Liasan, brgy. Canuto Enerio, lungsod sa Gutalac. Nahitabo kini mga 12:35PM dili palang dugay.
Ang maong panghitabo gilangkuban kini sa 3 ka mga menor de edad samtang matod pa nagpahigayon ang ilang pamilya ug beach party.
Sa pasi-unang taho, matod pa ang maong pamilya naglingaw-lingaw kini sa maong resorts ug ang maong mga bata naglangoy-langoy kini u gang duha mipadulong kini sa lawom nga dapi ug didto na wala na kaya ang pag langoy.
Ang magulang niini nga si Jeffrey Ebio Montuyao, 15 anyos, nagpuyo sa brgy. Sas, lungsod sa Gutalac, misulay kini sa pagluwas sa iyang igsuon ug ig-agaw apan naapil na hinuon kini ug kalumos.
Dali usab nga miresponde ang usa sa mga concerned citizen sa maong lugar aron luwason ang tulo ka biktima nga nalumos, nagmalampuson usab sa pag luwas samtang si Jeffrey ang gidala kini sa Labason Emergency Hospital apan gibugtu-an na kini sa kinabuhi.
Dako usab ang pagmahay sa iyang lolo ug mga kabanay nga wala nila na bantayan hinungdan nga nakutloan sa hinulamang kinabuhi ang maong bata.
Ang maong patayng lawas anaa na karon sa panimalay sa iyang lolo.
