BACOLOD CITY – Isa ka menor de edad ginbuno sa gwa sang isa ka high school sa Brgy. Bata, ciudad sang Bacolod pasado las 9 kahapon sang aga.
Ang biktima isa ka 15 anyos nga bata nga lalaki, pumuluyo sang Purok Pinetree, Brgy. Bata, Bacolod City.
Suno sa biktima nga may madugay na sila nga atraso sang suspek kag sang sila ang nagsugat-anay kahapon, hinali na lamang siya nga ginbuno.
Naigo sa iya tuo nga kilid kag ulo ang biktima gani dali-dali ini nga gindala sa Corazon Locsin Montelibano Memorial Regional Hospital.
Sa karon padayon pa nga ginahibalo sang mga utoridad kon bala sin-o ang suspek nga naghimo sini sa amo nga menor de edad./dyHB BACOLOD
Facebook Comments
