Davao City – Patay nang nadiskubrehan ang biktimang menor de edad human magpakamatay tungod sa nasinatiang depresyon.
Sa blotter sa Talomo PNP, nakaplagan sa iyang mga silingan ang biktima nga si alyas Joeboy, 17 anyos, sa gi-abandonang panimalay sa Sitio Awa Barangay Catalunan Grande, Davao City, alas 6:00 sa kabuntagon.
Sa inbestigasyon, nakig inom pa ang biktima sa iyang mga barkada sa wala pa mahitabo ang insidente.
Namatikdan sa mga barkada nga wala na kini magtingog-tingog ug nisulti kini nga last na niyang shot sa ilimnon kay buot na siyang magpakamatay.
Gitawagan pa kuno sa biktima ang iyang inahan nga atua sa Davao Oriental pinaagi sa cellphone ug nanamilit sa iyang mga ginikanan.
Nasuta sa mga inbestigador nga gina-bully ang biktima tungod sa balatian sa iyang amahan nga maoy posibleng hinungdan sa natagamtamang depression sa menor de edad.
Wala matala sa blotter kun giunsa sa biktima paghunos sa iyang kinabuhi.
RadyoMaN Erin Lumosbog
