Davao City – Patay ang usa ka menor de edad samtang tulo usab ang angol human nadisgrasya ang ilang gisakyan nga multicab alas 9:00 sa kabuntagon didto sa Barangay Lamanan Calinan siyudad sa Davao.
Ang drayber sa maong behikulo giila nga mao si Rogelio Gempesaw.
Subay sa report gikan sa Davao City Police Office ang nakabsan sa kinabuhi mao si alyas Mae, residente sa Barangay Pangyan Calinan samtang ang tulo nga naangol mao sila Deonicio Gempesaw, Roberto Aquino apil ang driver nga si Rogelio nga parehong nagpuyo sa Biao Dianga Tugbok district ning dakbayan.
Sa imbestigasyon nga gilusad sa kapolisan sa Calinan nasayran nga samtang padulong ang maong multicab sa may Poblacion Calinan gikan Barangay Inayangan apan pag-abot sa Barangay Lamanan kalit nawad-an og preno ang sakyanan resulta sa pagkabangga sa maong multicab ngadto sa batuhon nga bahin resulta nga nangaangol ang maong mga pasahero.
Daling gidala sa Southern Philippines Medical Center ang menor de dad nga maoy nagrabihan apan gideklara na kini dead on arrival.
Boluntaryong nitahan ang driver sa kapulisan ang kinsa magatubang og kasong reckless imprudence resulting in homicide and multiple serious physical injury.
Ang patay’ng lawas sa biktima gidala ug gihaya na sa Angel Funeral Homes didto sa Calinan ningdakbayan.
RadyoMaN Don Pulayao
