Seguiendo con el mal acto del dos ladron quien ya hace victima con un padre, el Prelatura del Basilan ya condena con el incidente y ta pidi sila con el govierno del provincia para man junta con el Joint Task Force para mira este problema.
Na mensaje del Prelatura, sila ta pidi con el maga tiene poder na govierno para hace fuerte el seguridad para con el maga vivientes.
Ta pidi tambien sila con el maga personajes de uniporme para hace loque puede aver queda salvao del vida del maga Isabeleños.
Este ya bene despues con Rev. Fr. Euclid Balosbalos ya bobotia el dos persona mientras esta ta viaja na Menzi-Cabunbata Highway na Isabela City del pasao noche.
Ya saca pa el maga ladron con el bag del padre ta contene cel phone y P200.
Con Fr. Balosbalos ya lleva na hospital despues ya sostene este irida na carillo.
