Mental health angay tagdon

124

Davao City – Importante nga hatagan og pagtagad ang mental health gawas sa pag atiman sa physical health sa tao.

Kini ang gipaambit ni Philippine Mental Health Association kun PMHA-Davao chapter Executive Manager Precious Manliguez atol sa pakighinabi ni RadyoMaN Misel Miral-Galve kaniya sa programang Serbisyong Straight to the Point.

Sumala ni Manliguez nga karong panahona, dili pupaigo nga physical health lang ang atimanon gumikan og adunay problema lang gamay, apektado tanan systema sa lawas sa tao ingon man maapektuhan ang panghuna-huna sa indibidwal.


“Kung naga advocate og physical health, need pud i-accommodate ang mental health… gina quote ni siya sa DOH, there’s no health without mental health,” segun ni Manliguez.

Matud pa og unsa ka importante ang physical health ing-ana usab ka mahinungdanon ang pag atiman sa mental health.

Ang maong hisgutanan bunga sa mga nagapanghitabo karon sa palibot sama sa sunod-sunod nga suicide incidents gumikan sa ginaagiang depresyon busa og kinsa may nakasinati og mental issues o dunay ginaagiang personal nga mga problema, mamahimong magpakonsulta kun manawag og professional nga tabang pinaagi sa pagchat sa facebook page sa PMHA-Davao o mutawag sa ilang contact numbers nga 298 -8579 ug 09082339734.



RadyoMaN Renz Barbarona

Facebook Comments