Sa pakighinabi sa DXDC RMN Davao kang Hexcel Andreu, Psychology professor ug kang Paul Albada nga usa ka mental health advocate, ilang gikanayon nga ang tawong sensitibo sa banha posibleng adunay schizophrenia.
Apan gitin-aw nga masulti lamang nga adunay samang sakit ang indibidwal kung na-diagnose kini.
Sa kaso ni Marcial Gonzales, ang suspect nga nanunggab-patay tungod nabanhaan, gikinahanglan usa kining ipakonsulta aron masuta kung unsa ang status niini ug kung tungod triggered lang ba gyud siya sa giingong pagsaba-saba sa mga biktima.
Nagpahinumdom usab si Albada ug Andreu nga mentally challenged man o dili ang tawo nga atong makauban, magbinantayon gihapon sa palibot kanunay, hibal-on ang mga nag-unang impormasyon mahitungod sa mental health.
Ug alang sa adunay mga problema sa mental health, adunay pahinumdom si Andreu.
“Kung muadto ka sa amoa, sa mga counselors o sa psychologist, mura ra nimo’g gina-improve imong sarili. It doesn’t mean nga pag maglapit ka sa psychologist, counselor o psychiatrist naa nakay dakong problema. Kay gusto lang gani nimo i-improve imong sarili. It doesn’t make you less of a person.”
RadyoMaN Ivy Parido
