Sa interview sa DXDC RMN Davao kang Police Major Gerald Borja, Chief of Police sa Montevista Muncicipal Police Station, iyang giila ang biktima nga si Rosemarie Bermejo, 18 anyos, taga Barangay New Sibonga, Nabunturan, Davao de Oro, diin nasayrang aduna kini mental challenges.
Gisaysay sa pulis nga mibisita ang biktima sa balay sa iyang ig-agaw sa Montevista uban ang iyang live-in partner ug wala nila nabantayan nga naligo na diay kini sa sapa duol lang sa balay sa iyang ig-agaw, ug didto kini naunlod ug nalumos.
“Kauban niya nag-adto dira kadto iyang live-in (partner) daw unya kini daw’ng bataa, naa daw ni sakit gamay sa pangisip. Kadto daw nagligo-ligo didto sa sapa unya wala nabantayan sa iyang live-in ug sa iyang mga ig-agaw didto,” saysay sa pulis.
Nakuha ang lawas sa biktima alas 8:30 sa buntag diin wala na kini naanod sa layo. Gilayong gidala sa ospital ang biktima apan gideklara na kining dead on arrival.
Pahimangno sa otoridad nga hugot nga bantayan ang mga miyembro sa pamilya nga adunay mental challenges aron nga malikayan ang susamang insidente.
RadyoMaN Kirby Manzon
