Mentally challenged nga lalaki miambak sa sapa sa Mandug, Davao City

Davao City – Nagapadayon hangtod karong mga orasa ang search and retrieval operation sa 52 anyos nga lalaking gikatahong miambak sa sapa sa Liloan Riverside, Purok Sunflower, Brgy. Mandug, Davao City.

Sa pakighinabi sa DXDC RMN Davao kang Corporal Ariel Liboon sa Mandug Police Station, gikumpirma niyang nakahinabi nila ang ig-agaw sa lalaki ug nasayrang mentally challenged kini.

“Hangtod karon ma’am on-going pa ang search and retrieval operation. Ang na-interview sa among investigator ang pinsan. Wala pay reason nganong niambak siya pero naa toy problem sa pangisip,” matud ni Liboon.

Alang sa mga nakasinati og mental health problem sama sa depression o adunay mga kaila nga buot magpa-counsel, mamahimong mu-konekta ug magpatabang sa DOH suicide prevention hotline sa numerong 0917-899-8727 o sa 989-8727 (USAP).

Mamahimo usab mu-contact sa Philippine Mental Health Association (PMHA) Davao Chapter alang sa FREE CONSULTATION, COUNSELING, AND PSYCHOTHERAPY SESSIONS (ONLINE/FACE-TO-FACE). Ania ang ilang contacts: Tel No. (082) 298-8570, mobile number: 0936-461-7436, o Facebook Page nga PMHA Davao Chapter.

RadyoMaN Ivy Parido