Davao City – Nahimong ma-aksyon ang paggukod sa mga sakop sa Buhangin Police Station sa lalaking nangarnap og ambulansya nga iya sa lokal nga gobyerno sa lungsod sa Bansalan, Davao Del Sur kagahapong adlawa, Agosto 15, 2021.
Miabot sa syudad sa Panabo, Davao Del Norte ang ginukdanay tali sa kapulisan sa Buhangin ug sa suspek nga si Alyas Joseph nga residente sa Sasa ning syudad sa Davao.
Gibanggaan sa suspetsado ang mga sakop sa Task Force Davao nga nagbantay sa checkpoint sa Lasang sa dihang giharang ang suspek mao nga napugos og pusil tumong sa ligid sa ambulasya ang mga sakop sa TF Davao, apan bisan paman og na-flat na ang mga ligid sa behikulo nakaabot pa gihapon sa Panabo, ang ginukdanay hangtud nga na-corner ang maong suspek sa awtoridad sa nasangpit nga syudad.
Daling gidala sa Southern Philippines Medical Center (SPMC), ang suspek kinsa napusilan sa dughan.
Sa imbistigasyon, nagpatambal ang suspek sulod sa emergency room sa SPMC apan kalit kini misiyagit nga ” ako ang ginoo ug manluluwas” nga gikakurat og maayo sa mga medical staff ug sa tanang tawo nga naa sa hospital.
Sa dugang pagsubay sa kapulisan, nasayran nga aduna diay deperensiya sa pangutok ang dinakpan diin kanhi na kini nadala sa Mental Hospital sa nakalabay’ng panahon, bisan pa man og adunay deperensiya sa utok ang maong tawo pasakaan gihapon kini og kasong carnapping ug direct assault.
RadyoMaN Joel Viray
