Roxas City, Capiz- Natalana nga aprobahan sang provincial board ang budget para sa bunos sang mga regular kag casual employees sa provincial government sang Capiz.
Ginkumpirmar ni Provincial Budget Officer Mr. Tony Arbis nga magabaton sang tig-P25, 000 pesos nga bunos kag dugang nga P5, 000 pesos nga productivity enhancement incentives ang mga regular employees.
Gin-athag sini nga magabaton sang pareho nga kantidad ang mga department heads kag mga regular nga empleyado.
Samtang P5, 000 pesos naman nga bunos ang sarang nga mabaton sang mga casual employees.
Suno kay Arbis, ginalauman nga mabaton sang mga ini ang tagsa nila ka mga bunos kadungan sang igapatigayon nga Christmas party sang provincial government sa maabot nga Disyembre 21, 2018.
photo © web
