Davao City – Gumikan sa sala, ang tanan gitaganang mamatay dili lamang sa aspetong pisikal apan lakip na sa espiritwal isip silot sa pagsupak sa tawo sa kabubut-on sa Diyos nga dili kan-on ang prutas nga nagdala sa kahibalo sa matarong ug pagkadautan.
Apan ang Diyos wala hingpit milaglag sa tawo inay mihatag kini og tsansa nga masalbar ang iyang nilalang gikan sa makalilisang nga kondemnasyon (John 3:17-18).
Ang ‘Redemption Plan’ sa Diyos wala muhunong bisan og dunay higayon nga hilom ang Ginoo sama sa panahon ni Esther dihang ilawom pa ang mga Israelites sa Persian Empire human napildi ang Babylonia kaniadtong 539 BC.
Si Propeta Isaiah mitagna sa pagpakatawo sa Mesiyas sa kalibutan aron Iyang luwason ang Iyang katawhan (Jews ug Gentiles) gikan sa kamatayon sa impiyerno (Matthew 1:18-25).
Sa literal translation sa Hebrew word nga ‘Mashiac’ (Jesus the Messiah) kun ‘Jesus the Anointed,’ nahingpit ang katumanan sa misyon sa kamatayon ug pagkabanhaw subay sa panagna ni Isaiah.
Human nakalabay ang 400 anyos, natawo si Kristo Hesus (Jesus the Messiah) sa 4 BC ug nianang tuiga, diktador na sa Roman empire si Julius Caesar.
Matud ni Bishop Ariel Coleto, si Kristo maoy perpekto nga sakripisyo alang sa kapasayloan ug kaluwasan sa mga tawong makasasala atubangan sa Diyos ug gawas niana, wala na’y lain pang kadangpan ang tawo.
Segun ni Coleto, kung dili tungod sa grasya ug dakung gugma sa Diyos Amahan, wala untay Mesiyas kon Messiah (Jesus Christ) nga matawo niining kalibutana ug ang tanan paingon na unta sa kalaglagan sa impiyerno.
Gumikan sa pagpakatawo sa Mesiyas (John 1:14), ang kalibutan nahatagan og bag-ong paglaum sa hingpit nga kapasayloan ug pagkahigot gikan sa sala ug kaluwasan kung dawaton si Kristo Hesus isip Manluluwas ug Diyos.
Busa, gidasig ni Coleto ang tanan nga dili sayangan ang kahigayonan samtang aduna pa’y panahon kay sa adlaw unya sa paghukom, wala na unyay paglaum alang sa mga wala mudawat kang Kristo Hesus.
Ug ang tanan kinsa pakyas sa pagdawat sa gawasnon nga regalo pagahukman sa Diyos nga ma-impiyerno isip bayad sa pagpakasala, apas-sumpay nga pagpasabot ni Coleto.
RadyoMaN Joel Viray
