General Santos City–Mapasigarbuhon nga gibutyag ni Gensan City Councilor Beth Bagonoc nga nahimo nang metro Gensan karon ang syudad sa Heneral Santos.
Atol sa pagpamulong niini atubangan sa mga gagmayng negosyante dungan sa pag-abli sa Yaman Gensan iyang gibutyag nga gideklara na ang syudad nga metro Gensan.
Pasabot matud pa niini usa sa mga syudad nga highly competitive sa tibuok Pilipinas ang Gensan.
Kalabot niini malipayon usab nga gibutyag ni Kagawad Beth Bagonoc nga sa sunod tuig ang selebrasyon sa charter anniversary sa Gensan tawgon na kining Metro Gensan Day.
Kini human nga bag-uhay lang usab gibalhin ang petsa sa selebrasyon sa charter anniversary sa syudad kung asa gikan sa bulan sa Setyembre gibutang na sa Hunyo 15 pinaagi usab sa gipirmahang balaud.
Malaumon usab si Kagawad Bagonoc nga mahimong malambuon ang mga negosyo sa syudad dungan usab sa kalambuan sa mga misalmot sa Yaman Gensan. (Jordan Britos)
(Photo From Web)
