Davao City – Gidasig ni Davao City Mayor Sara Duterte, ang tanang adunay mga sintomas sa COVID-19 nga gilayong magpakonsulta. Segun sa Mayor, pinaagi niini matabangan ang health teams sa gihimong intensified case finding sa dakbayan sa pag-ila sa posibleng mga infected.
“Kadtong mga dunay gibati nga symptoms maayo unta nga sila na mag-ingon nga magpa-test ko. Mas mapadali atong trabaho kung ingon ana,” matud niini.
Sumala sa Mayor, mamahimo usab nga magpa-check up o mainterbyu sa mga doktor kalabot sa kondisyon sa panlawas sa Southern Philippines Medical Center (SPMC).
“Pwede ra pud mo-diretso sa SPMC para matest sila. Pero didto interviewhon na sila. Because naay ginatan-aw ang doctor kung paunsa ka i-classify as a case or as a patient. So interviewhon ka didto unsa ang nahitabo, and then moingon ang doctor ‘okay, for testing ni siya,” segun niini.
Subay niini ang team sa DOH, nikasa og random drug testing sa Barangays Leon Garcia, 21-C, 23-C, Daliao, Toril ug 4 ang kumpirmado sa COVID-19 sa maong lugar.
Sa pinakaulahing datos sa SPMC, 59 na ang mga nakarekober nga mga pasyente, 19 ang patay samtang 113 ang nagpositibo sa COVID-19.
RadyoMaN Aimee Guinita
