Sa pakighinabi sa DXDC RMN Davao kang Jeanette Ampog, Talikala-Davao Executive Director, iyang gibutyag nga aduna silay pagahimuon nga pagbisita sa 6 ka mga barangay sa syudad aron maghatag og pagtulun-an sa mga ginikanan kalabot sa sitwasyon sa kababainhan.
Aduna usab aktibidad alang sa prostituted women karong semanaha.
Nanawagan si Ampog sa panggamhanan nga lantawon ang sitwasyon sa kababainhan ug pakusgan ang ilang katungod nga makahatag og kabag-uhan sa komunidad.
“Ang ipaabot sa kababainhan nga atong isipon nga dili lang ta pangbalay. Naa tay duha ka kamot ug duha ka tiil, naa tay utak, gamiton nato ni. Naa tay kasing-kasing. Gamiton nato ni nga mulambo ta mga babae, isip miyembro sa community. Dili lang mulambo atong kaugalingon, mulambo pud atong kaubanan nga babaye. Dili ta mahadlok nga ingnon tang babae lang ka ha, di ka magsaba. Para asa atong baba kung di ta mustorya?” mensahe ni Ampog.
Ang selebrasyon karong tuiga subay sa temang “WE for gender equality and inclusive society” ug “Lipunang Patas sa Bagong Pilipinas; Kakayahan ng Kababaihan, patutunayan!”
Uban ta mga Kasama sa usa ka bulan nga selebrasyon dala ang pakigbisog nga BABAE TA, DILI BABAE LANG.
RadyoMaN Ivy Parido
