KABANKALAN CITY – Kapin lima ka nagkalain lain nga pusil, isa ka granada kag mga bala ang natigayon nga ma recover sang katapo sang Bacolod City CIDG kag Kabankalan City Police Station sa duha ka mga gin-aresto nga suspek sa Brgy. Magballo sa amo nga ciudad las 6:40 sini gid lamang nga aga.
Nakilala ang mga gindakup nga sanday Rommel Villarosa, 46 anyos, kasado kag Romnick Villarosa, 23 anyos, kasado kag lunsay pumuluyo sang Purok Mataba, Crossing Balo, Brgy. Magballo, ciudad sang Kabankalan.
Ginpatigayon ang raid pinaagi sa search warrant nga gin-issue ni Hon. Judge Jose Manuela Lopez sang MTCC, Kabankalan.sa kaso nga violation sang Republic Act 10591 kag 9516.
Kalakip sa recoveries amo ang isa ka 12 gauge shotgun, isa ka colt MK 4 .45 caliber, isa ka STI .45 caliber, isa ka ITHACA 9mm caliber kag isa ka Armscor .38 revolver subong man nagkalain-lain nga bala kag isa ka granada.
Sa karon sanday Rommel kag Romnick ang yara na sa custody sang Criminal Investigation and Detection Group diri sa Bacolod./dyHB BACOLOD
