Wala na maka iskapo ang usa ka lalaki human kini gisilbihan ug tulo ka search warrant sa Salug PNP, CIDG, ug taga RMFB9. Gikan sa lamesa ni Judge Rowena S. Carpitanos-Magallanes sa MCTC Salug-Godod, Zamboanga Del Norte tungod sa paglapas sa R.A. 10591 kun COMPREHENSIVE LAW ON FIREARMS AND AMMUNITION.
Malapuson nga naaresto si Alieh Alim Musa usa ka HVT nga drug personality sa Salug MPS ug mitahan na kini kaniadto sa oplan tokhang isip pusher.
Nakuha sa iyang panimalay ang usa ka Cal. 45; duha ka magazines sa cal. 45; pito ka buhing bala sa cal. 45; upat ka mugbo nga magazines sa M16 riffle; tulo ka tag-as nga magazines sa M16 rifle; 20 ka buhing bala sa M16; ug 30 kabuok nga bala sa cal. 9mm.
Ang naaresto anaa na kini sa kustodiya sa CIDG ug hayan na mapasakaan ug kaso karong adlawa.
