Pagadian City – Nangharos og medalya ang mga atleta sa Zamboanga del Sur sa bag-o lang natapos nga Zamboanga Peninsula Regional Athletic Association (ZPRAA) Meet 2018 nga gipahigayon sa syudad Pagadian.
Nadughit sa mga atleta sa Zamboanga del Sur ang 112 ka bulawan nga medalya, 91 ka silver medals ug 70 ka bronze medals.
Nisunod usab sa pwesto ang Zamboanga City nga dunay 80 ka bulawan nga medalya , 67 ka silver ug 87 ka bronze medals.
Ikatulo usab ang team Dipolog City nga dunay 52 ka bulawan nga medalya, 59 ka silver ug 63 ka bronze medals nga gisinundan usab sa Pagadian city, Zamboanga Sibugay, Zamboanga del Norte, Isabela City ug naa sa katapusang ranggo ang Dapitan City.
Nahimong hapsay og malinawon ang upat ka adlaw nga Regional Palaro 2018 nga nagtangag sa temang” Championing the spirit of young Filipino Athletes’.
