Pagadian City – Umabot sa tatlong bahay ang nawasak at 3 pamilya ang naapektuhan nang hampasin ng malalaking alon na dulot ng walang humpay na pag-ulan sa Purok Bangus Brgy. White beach, Pagadian City alas 10 kagabi.
Sa panayam ng RMN Pagadian kay Reynario Labado, 57-anyos, isa sa mga biktima, bigla umanong bumuhos ang malakas na ulan na may dalang hangin at pagkalipas ng ilang minuto lumaki na ang alon ang humampas sa kanilang bahay.
Nailigtas naman ni Reynario ang kanyang pamilya kasama na ang limang taong gulang na anak nito.
Inaalam pa ng City Disaster Risk Reduction Management Office ang halaga ng danyos sa naturang pangyayari.
Facebook Comments
