Davao City – Daghan ang maka-benepisyo ilabi na sa mga walay tarung nga pinuy-anan sa tinguha ni President Ferdinand ‘Bong bong’ Marcos Jr., nga himoong housing projects ang mga bakanteng yuta sa gobyerno.
Kini ang sagad reaksyon nga gi-uyonan sa pipila ka Barangay Officials sa syudad sa Davao human nahinabi sa DXDC RMN Davao.
Sa eksklusibong interbyu sa DXDC RMN Davao kang Brgy. Mandug Kapitan Rey Ototan, pabor siya sa plano sa pangulo sa nasud aron matabangan ang mga nagpuyo sa mga squatter area. Segun ni Ototan, dako na kining tabang ilabi na sa iyang Barangay nga daghan ang mga nagpuyo sa squatter.
Giingon usab ni Brgy. Buhangin Kapitan Francisco Gamad, uyon siya apan mag-agad sa bakante sa yuta nga wa na magamit sa gobyerno.
Gipasabot ni Kapitan Gamad, adunay mga ahensya sa gobyerno karon nga nanag-iya’g yuta nga naghulat pa sa gi-alokar nga pundo aron tukoran og hospital, pantalan ug airport.
RadyoMaN Don Pulayao
Facebook Comments
