Syudad sang Iloilo-Tubtob na lang alas 2:00 sang kaagahon ang mga bars, night clubs, disco bars, resto bars kag kaangay nga mga establesemento sa syudad sang Iloilo.
Santo ini sa EO 146 nga ginpaggwa ni Mayor Jose Espinosa III.
Bangud sini pag-abot sang alas 2:00 sang aga dapat sarado na ang mga ini kag wala na sang inom.
Sa kaso sang mga hotels, motels, tourism establishments nga accredited sang Dept. of Toourism kag 24-hour convenience store, exempted sila apang indi dapat magbaligya sang ilimnon halin alas 2:00 sang aga tubtob alas 8:00 sang aga sang amo man nga adlaw.
Pahayag ni Espinosa nga katuyuan sini nga maamligan ang mga residente sang syudad sa mga kinagamo tuga sang makahulobog nga ilimnon.
Pamunuan sang Public Safety and Transportation Management Office (PSTMO) ang magapanguna sa implementasyon sang EO.
