Ginapa-alerto karon sang Iloilo City Police Office ukon ICPO ang mga bangko sa syudad sang Iloilo kasunod sang impormasyon nga may yara sang robbery group nga nagatuyo mag-atake sa isa ka bangko sa syudad.
Ginkumpirmar ni Police Captain Shiela Mae Sangrines, spokesperson sang ICPO nga may nabaton sila nga intelligence report nga may isa ka organisado nga crime group nga plano sudlon kag kawatan ang isa ka wala ginhingadlan nga bangko sa syudad.
Ginpahayag ni Sangrines, isa-isa nila nga ginpadulungan ang mga bangko agud alertuhon ang mga ini nga labi nga pabaskugon ang kila seguridad kasunod sang nabaton nga impormasyon.
Iya man ginpanugyan sa mga bangko nga i-report gilayon sa pinakamalapit nga police station kung may makit-an nga makaduluda nga nga mga tawo sa palibot sang establisimiento.
