Gibaha ang mga residente sa Brgy. Cugman, Cagayan de Oro ug gipang-anod usab ang ilang mga kabtangan sa panimalay lakip na ang mga mananap nangatanggong.
Kini nunot na sa nagpadayon nga pagragasa sa severe tropical storm “VINTA” sa Northern Mindanao ilabi na dinhi sa syudad sa Cagayan de Oro ug sa tibuok Region 10.
Tungod ni-ini gipagawas na sa City Risk Reduction Management Office ang Code Red kung diin gimandoan na ang tanan nagpuyo duol sa mga suba sa “Force Evacuation”. Partikular na ang areas sa Brgy. Consolacion, Burgos Street sa Brgy. 3 hangtud na sa Brgy. 18 ning syudad.
Kini tungod na usab sa pagsaka sa tubig sa Cagayan de Oro River. Kung diin nitingog na ang alarma sa Marcos Bridge nga ana-a na kini sa critical level.
Gilauman nga ugmang adlawa pa mogawas ang bagyong “Vinta” ning rehiyon padulong na ngadto sa Palawan nga bahin sa nasud.
Aduna kay reaksyon, pwedi nimong i-comment sa ubos kabahin ning maong estorya.
