CAUAYAN CITY – NAUWI SA PAGKAKADAKIP ANG DALAWANG ITINUTURING NA HIGH-VALUE TARGET MATAPOS MASANGKOT SA ILEGAL NA DROGA SA ISINAGAWANG ANTI-ILLEGAL DRUG BUY-BUST OPERATION SA BRGY. TAGARAN, CAUAYAN CITY, ISABELA.
KINILALA ANG SUSPEK BILANG ALYAS “ARIEL” MULA CAINTA, RIZAL AT ALYAS “ROMEL” MANAGER NG ISANG KILALANG ESTABLISYIMENTO SA SANTIAGO CITY AT KASALUKUYANG NAKATIRA SA LUNGSOD.
NAKUMPISKA MULA SA MGA SUSPEK ANG DALAWANG PAKETE NG HINIHINALANG SHABU NA MAY TIMBANG NA SAMPUNG GRAMO AT HALAGANG ₱68,000.00.
KASAMA RIN SA MGA NAKUMPISKA ANG ISANG TAN GLOCK 17 9MM PISTOL, TATLONG MAGAZINE NA MAY 34 NA BALA, DALAWANG DIGITAL WEIGHING SCALE, CELLPHONE, AT ISANG TARAN AIRSOFT RIFLE NA MAY TATLONG MAGAZINE.
NAREKOBER DIN ANG HALAGANG ₱128,000 AT ANG SASAKYANG GINAMIT UMANO SA KANILANG TRANSAKSYON.
AYON SA ULAT, MATAGAL NANG MINAMANMANAN ANG DALAWA DAHIL SA UMANO’Y MALALIM NA KONEKSYON SA BENTAHAN NG DROGA SA REHIYON.
DAHIL MANAGER NG ISANG KILALANG ESTABLISYIMENTO ANG ISA SA KANILA, IKINABAHALA NG PDEA ANG POSIBLENG PAG-ABOT NG IMPLUWENSYA NG ILIGAL NA GAWAIN SA MAS MARAMING TAO.
MATAPOS ANG IMBENTARYO, DINALA ANG SUSPEK SA HIMPILAN NG PULISYA PARA SA KARAGDAGANG IMBESTIGASYON.
SAMANTALA, MAHAHARAP ANG DALAWA SA KASONG PAGLABAG SA REPUBLIC ACT 9165 O COMPREHENSIVE DANGEROUS DRUGS ACT OF 2002.
