Davao City – Nagtinigbasay ang duha ka mga basurero human kini nag ilog sa basura nga pwede nilang makwartahan.
Mga respondents naila nga sila si Joel Villaren, 33 anyos ug Alejandro Niepes, 37 anyos nagapuyo sa Purok 4 Matina Pangi ning siyudad.
Sumala sa rekord, bandang alas 6 sa kagabhion nag abot ang duruha sa pag kuykuy sa mga basura nga pwede pa nilang makwartahan sa usa ka panimalay nga gipanagiyahan ni Lonalyn Aranas Ebasitas, 23 anyos ug residente sa Orange Groove Matina Pangi.
Kalit naglalis ang duha hinungdang gisumbag ni Niepes si Villaren ug tungod niini kalit nga mikuha og bolo ang naulahi ug gitigbas sa makadaghang higayon si Niepes.
Daling nanawag og assistance sa kapolisan si Ebasitas ug gidala ang duha sa buhatan sa kapolisan sa Talomo.
Tungod kay minor injury ra usab ang samad tinigbasan nga naangkon ni Niepes nagkasinabut ang duha nga mag settle na lang kini ug dili na pasakahan og kaso ang matag usa.
RadyoMaN Paul Canono
