Pagadian City – Giawhag sa mga pinakaunang nagpaturok sa bakuna ang pediatric population kun mga kabataan nga nag-idad ug 12-anyos ngadto sa 17-anyos ning syudad nga magpabakuna na usab kontra sa COVID 19.
Atol sa gipahigayon nga Kick Off Ceremony For Pediatric Population sa Pagadian City Vaccination Hub sa Covered Court, Plaza Luz kagahapon sa buntag.
Nitugyan sa ilang mga kaugalingon nga maoy mahimong unang mabakunahan atol sa maong aktibidad ang tulo ka anak ni Dr. Jose Hofileña nga sila si Juliana Hofileña, Jose Hofileña IV ug Jose Hofileña V.
Gibutyag ni Juliana Hofileña nga maayo nga magpakuna gumikan kay kini ang makatabang sa kaugalingon ug sa mga tawo sa palibot ug lakang para sa face to face classes nga gikinahanglan sa mga studyante.
Gidugang usab sa amahan nga si Dr. Jose Hofileña nga isip ginikanan mao kini ang pinakanindot nga paskuhanong gasa alang sa ilang mga anak nga malikay sa makamatay nga virus.
