Davao City-Managlahing kaso sa mga batan on nga nalambigit sa iligal nga droga natala sa Talomo PNP ning labing ulahi.
Sikop sa buy bust operation sa Talomo PNP ug PDEA XI ang usa ka menor de edad sa may Doña Luisa Subdivision Matina ning syudad sa Davao.
Sumala sa report, ang maong inpormasyon gikan sa usa ka reliable informant kinsa nagkanayon nga nagapamaligya ug nalambigit sa iligal nga droga ang dinakpan.
Gilusad sa kapolisan ang operasyon bandang alas- 7 sa kagabhion ngadto sa nahimutangan sa suspek ug nakuhaan kini og usa ka sachet nga dunay sulod nga gituohang marijuana.
Ang suspek giila nga si alyas Waki, Grade 11 nga nag eskwela sa usa ka private school sa may Juna Subdivision, taga-Milkyway GSIS Matina ning syudad sa Davao.
Ang mga nakuha nga ebidensiya gikan sa maong menor de edad anaa na sa kustodiya sa San Pedro PNP ug gidala na sa Women and Children’s Protection Desk alang sa dugang nga imbestigasyon.
Sa pikas bahin, nasikop usab sa Talomo PNP ang duha ka lain pang mga lalaki nga sila Zachary Daguc, 19 anyos nga taga-Block 14 Lot 3 Samantha Homes Matina Pangi ug Dom Wilkins Maasim, 20 anyos ug residente sa Mahogany st. Iñigo Village Matina Pangi ning syudad.
Sumala sa rekord sa Talomo PNP, nagpatrolya ang tropa sa kapolisan sa may Diversion Road Matina Pangi sa dihang nasundan nila ang mga suspek nga kusog ang padagan lapas sa gitakda nga speed limit ug walay plate number ang motorsiklo.
Sa dihang gi-flag down na kini sa mga polis ug gipagawas ang mga papeles sa motor, aksidenteng nahulog ang usa ka nilukot nga marijuana hinungdang gisikop ang duha ka mga lalaki ug gipasakaan og kasong paglapas sa RA 9165 kun Comprehensive of Dangerous Drugs Act of 2002.
Kasamang Paul Canono
