Davao City – Padayon ang panawagan sa Commission on Elections (COMELEC) XI sa katawhan nga dili pakyason ang higayon nga magaparehistro sa nagpadayong voter registration nga mahuman karong September 30, 2024.
Sa interview sa DXDC RMN Davao kang Atty. Gay Enumerables, ang Spokesperson sa COMELEC XI, iyang gibutyag nga target sa ilang buhatan karon ang marehistro ang mga batan-ong wala nakaapas niadtong Barangay and Sanguniang Kabataan Elections (BSKE).
“Ang atong voters registration so far, maayo baya ang dagan kay ubay-ubay na sad tag na-rehistro. Ang among target really are those voters gani nga mga batan-on nga wala pa nakaparehistro last registration adtong BSKE,” matud ni Enumerables.
Sa karon, anaa na sa kapin 150,000 ang narehistro sa tanang transaksyon sa COMELEC sa tibuok Davao Region. Ug padayon ang pag-awhag sa ngadto sa publiko likayan ang mass registration o ang pagdugok sa panahon sa deadline.
RadyoMaN Ivy Parido
Facebook Comments
