*Nagpahimangno ang Malaybalay City Police Station sa publiko nga munagkot sa mga nagkadaiyang sementeryo.*
*Sa interview sa RMN ngadto kang Police LTCol. Rosalyn Cabrigas, ang hepe sa Malaybalay City Police Station gibutyag niini nga bawal ang pagdala sa mga armas, hait nga hinagiban, ilimnong makahubog, gambling paraphernalias, bawal ang sugal, ug bawal ang mga kusog nga sound system.*
*Subay niini, nangayo ug suporta ang hepe sa publiko nga aron mahimong hapsay ang obserbasyon sa All Saints ug All Souls Day 2019.*
*Dugang ninii, adunay mga police assistance desk usab nga imontar ang kapulisan sa strategic location aron madangpan sa katawhan sa oras nga gikinahanglan ang police assistance.*
*Nasayran nga adunay unom ka tawo sa Sheperds Meadows sa Malaybalay ang nagkumpiskahan ug ilimnong makahubog kagahapong adlawa, Nobyembre 1, 2019.*
