ILOILO CITY – Nagpaidalum sa actual nga practicum activities ang mga beneficiaries sang urban gardening program sang city government.
Ang hilikuton kabahin sang 12 ka sessions nga dapat kumpletuhon sa training module agud mahatagan sang ihibalo ang mga trainees sang nagakaigo nga teknolohiya sa ila tagsa ka panimalay.
Ang mga participants ginabug-usan sang pantawid beneficiaries, drug surrenderees, mga pamatan-on, indigenous people ukon IP, relocatees, eskwelahan kag mga mangunguma.
Nahamtang ang proyekto sa Brgy. Lanit Jaro.
Nagbuligay ang city government sa pagpamuno ni Mayor Jed Patyrick Mabilog, City Agri sa idalum ni Mr. Romulo Pangantihon, SM Foundation, Harvest Agritec kag DSWD sa pagpatuman sang programa.
Katuyuan sang urban gardening nga mahatagan sang palangabuhian ang mga imol sa syudad paagi sa pagtanom sang mga ulotanon.
Bangud sang kaugalingon nga garden indi naman kinahanglan nga magbakal pa sang utanon ang mga beneficiaries.
