Daw sa dili masabot ang kalipay sa mga nakadawat sa Certificate of land ownership Awards (CLOA) human kini ilang nakuptan kagapong adlawa ang ilang mga tagsa-tagsa ka titulo sa yuta.
Dugay na matod pa nila kining gipaabot nga unta hingpit na gayud sila mahatagan ug titulado nga yuta, apan kagahapon gidawat sa 938 ka Agrarian Reform Beneficiaries (ARBs) ang 1,034 ka CLOA nga moabot sa 1,490 ka ektarya sa yuta dinhi lang sa tibuok Zamboanga Peninsula.
Dako ang ilang pasalamat kang Department of Agrarian Reform Sec. John Castriciones nga napadali ug hatag ang dugay na nilang gihandom nga titulo.
Kahinumduman sa dihang milingkod isip kalihim si Castriciones niadtong bulan sa Desyembre niadtong miaging tui, kini ang iyang gisaad nga madapali ang pag pang apod-apod sa CLOA ug mga nakahan-ay nga programa alang sa mag-uuma.
Sa nahimong mensahe sa secretary iyang ge awhag ang mga nakadawat sa sertipiko nga dili gayod I baligya ang yuta kay kung ibaligya kini daw sa gibaligya usab nimo ang imong kaugmaon.
Matod pa ni Castriciones dili lang kini dinhi sa Zamboanga Peninsula ang ilang gihimong pag pang apod-apod ug CLOA, anaa pud sa ubang rehiyon sa tibuok Pilipinas.
Lauman usab nga anaa pa’y dugang mga benepisyaryo dinhi sa atong rehiyon.
