Wala nag-coordinate ang mga biktima sa Tourism office sang Igbaras, Iloilo.
Ini ang ang pahayag ni Police Inspector Oman Bryndell Estabillo, acting Chief of Police sang Igbaras PNP angot sa 10 ka tawo nga gin-anud sang nagdaludo nga tubig sa Nadsadjan Falls sa Igbaras, Iloilo.
Suno kay Estabillo , nagmato-mato lang ang mga biktima padulong sa Nadsadjan Falls ,Igbaras, Iloilo matapos nakita sang mga ini sa internet nga manami ang lugar.
Dugang pa niya nga dapat nagpakig-angot ang mga ini sa Tourism office agud magiyahan kon ano ang dapat tandaan sa pagpadulong sa Nadsadjan Falls.
Ginklaro ni Estabillo nga wala naka-inom ang mga biktima kag nagpaligo lang apang wala sang mga ini natalupangdan nga nagataas na ang tubig kag gulpi na lang nagdaludo ang tubig.
Suno kay Estabillo, naka-uyat pa ang iban nga biktima sa bato tubtob nakalab-ot sa luwas nga lugar apang na-anod sang tubig ang isa nila ka upod nga si Julie Magbanua sang Brgy. Jalaud Norte, Zarraga.
Nakit-an si Magbanua sa Brgy. Pinaopawan, Igbaras apang dead on arrival sa hospital tuga sang patal nga pilas sa ulo.
Samtang, nakapa-uli na ang siyam nga nakaluwas sa nasambit nga insidente nga amo sanday:
1. Jefferson Dilag, 24-anyos 2. John Efren Octavio, 26-anyos 3. John Denver Amion, 22-anyos 4.) Eddie Delfin, 30-anyos 5. Bryan Ortega, 26-anyos 6. Rolando Penida, 31-anyos 7. Reymart Oduro, 25-anyos 8. Kent John Panisales, 20-anyos 9. Robert Villafor
