Mga biktima sang sunog sang Disyembre sa Koronadal City, nakabaton sang financial assistance.

16

Nakabaton sang financial assistance halin sa city government sang Koronadal ang mga biktima sang sunog sa mga barangays sang Zone I kag GPS, Koronadal City sang bulan sang Disyembre 2020.
Sa inisyal nga datos suno kay CDRRMO Action Officer Cyrus Urbano yara sa 15 ka mga residential owners, 2 ka mga boarders, 8 ka mga establishement owners kag 5 ka vendors ang nakabaton sang financial assistance sang nagligad nga adlaw nga distribusyon.
Nagalab-ot naman sa P260, 000.00 ang narelease nga cash assistance sang city government sang Koronadal nga kabahin sang P456, 000.00 nga irelease naman ang balanse sa mas madasig suno pa nga panahon.
Nakabaton sang P20,000.00 ang mga establishement owners, empleyado – P3,000.00, nagapanag-iya sang balay kag nagarenta ang nakabaton sang P10,000.00 kag P2,000.00 naman ang ginhatag sa mga nakawatan sa kasagsagan sang sunog.
Paklaro naman ni Urbano nga sang nagluntad ang insidente gilayon man nga gin-ayudahan ang mga biktima kag ang financial assistance ang dugang nga bulig sang city government sa mga biktima.
Nanguna naman sa distirbusyon sang pinansyal nga ayuda si Koronadal City Mayor Eliordo Ogena upod ang City Disaster Risk Reduction and Management Council (CDRRMC), City Social Welfare and Development Office (CSWDO) kag City Treasurer’s Office (CTO).

Facebook Comments