Davao City- Gimonitor na sa Bureau of Jail Management and Penology (BJMP-XI ) ang ilang mga personahe human masuta nga dunay jail guard nga dunay dautang transaksyon sa piniriso sulod sa Davao City Jail sa Barangay Ma-a sa syudad niaging bulan.
Sumala ni Jail Senior Inspector Roberto Gotico, head sa BJMP-Davao Personnel Records and Management Division (PRMD) and Human Resources Division, wala una nila ginganlan ang jail guard sanglit nagpadayon pa ang ilang imbestigasyon sa maong insidente.
Giingon ni Gotico nga ang nahisgutan usa ka Jail Officer 1 (JO1) kinsa na relieve na ug nabalhin sa lahi nga prisohan sa probinsya sa rehiyon. Dugang ni Gotico nga ang maong jail guard nakautang sa usa ka piniriso nga anaa karon sa Maa City Jail human mireklamo ang naulahi nga wala bayari, tungod niini gibulgar sa maong inmate ang kalambigitan sa pipila ka jail guards sa illegal nga kalihukan sa bilanggoan.
Kasamang Bernard Pantallon
