Mga bus ug van ipailawom sa inspeksyon

Sugdan na sunod semana sa Land Transportation Office XI ang paginspeksyon sa mga pampasaheruang sakyanan partikular na ang mga vans ug bus sa tanang terminals.

Matud ni LTO XI Regional Director Atty. Gomer Dy nga kini aron maseguro nga luwas ang mga bus ug mga van nga sakyan sa mga pasahero nga mubyahe karong holiday season.

Subay niini nagpahimangno ang direktor ngadto sa mga drivers nga mutuman sa mga balaod trapiko aron malikayan ang disgrasya ug kung nakainom man dili nalang mamasada o magdrive nga hubog.


Matud ni Dy nga hugot nga magbantay ang ilang mga enforcers diha sa mga kadalanan aron pandakpon gayod ang drivers nga magpositibo sa droga ug sa ilimnong makahubog.

RadyoMan Aimee Guinita

Facebook Comments