Mga casual employees sang RMPH, nagareklamo bangud wala pa mabaton ang sweldo sa sulod sang duha ka bulan!

88

Roxas City, Capiz – Wala pa makabaton sang suweldo sa sulod sang duha ka bulan ang mga casual employees sang Roxas Memorial Provincial Hospital(RMPH).
Reklamo subong sang mga ini nga kuntani maproseso na ang ila suweldo. Samtang ginpahayag naman sang chief administrative officer nga si Lina Desales nga ulihi nasumiter kag napirmahan ang job order sang pila ka mga casual employees sang nasambitan nga government hospital.
Nahibaloan dugang nga kinahanglan man sang mga ini nga magkuha anay sang certificate of registration halin sa BIR.
Suno diri, posible sa masunod nga semana magasulod na ang sweldo sang mga casual employees.
Sa separado nga interview sang news team kay Provincial Budget Officer Mr. Tony Arbis, ginsiling sini nga na-aprobahan na ang pondo para sa suweldo sang mga ini sang nakaligad pa nga Nobyembre 2018.
Kun may yara gid man sang mga casual employee nga wala pa makakuha sang suweldo suno kay Arbis posible nga bangud wala sang DTR ang mga ini ukon indi gani wala sang job order.
Sa mahibaloan sang damlag lang nagpalab-ot sang ila reklamo sa dyVR ang mga casual employee sang RMPH nga wala pa makabaton sang ila suweldo sa sulod sang duha na ka bulan.

Facebook Comments