TACLOBAN CITY – Nagdumara hin surprise drug test ngan seminar an Police Regional Office 8 ha mga Chief Of Police ha bug-os nga rehiyon otso. Ini in kaparte ha pangandaman han Police Regional Office 8 kumo pagbalik han mga kapulisan pag-dumara hin mga anti-illegal drugs operation.
Sumala kan PCInsp. Ma bella Rentuaya, Regional Public Info. Officer han PRO8, karuyag han ira buhatan nga magtikang ha malimpyo nga buruhaton pinaagi ha mga kapulisan nga asya an magdudumara han mga operayon.
Kasangkulop, gin-dumara an surprised drug test ha mga hepe han Probinsya hiton Samar. Samtang kakulop an mga Chief Of Police naman ha probinsya han Leyte, Southern Leyte, Biliran, Ormoc, ngan Tacloban. Ha pagka-yana in gin-huhulat pa an resulta hini nga drug test. Pero sumala han opisyal nga kun may mag-positibo ha paggamit han illegal nga droga an mga hepe, in dayon ini nga mag-aatubang hin administratibo nga kaso ngan possible matanggal ha trabaho.
Dugang pa han mao nga opisyal, diri la ha mga Chief Of Police magdudumara hin surprise drug test, kundi para gihapon ngadto han mga kapulisan ha bungto-bungto.
