Sa niagi dunay sex toy , karon na sab condom, cellphone ug drug paraphernalia ang lakip sa mga kontrabando nga nasakmit atol sa kinalit nga greyhound operation sa samang bilangguan kaganinang buntag .
Ang greyhound operation gitambayungan sa mga sakop sa Police Regional Office-7 , Philippine Drug Enforcement Agency, Bureau of Jail Management and Penology-7 ug ubang law enforcement group , human sa kontrobersiyal nga kamatayon sa giilang drug lord nga si Steve Go sa niaging adlaw.
Ang kapin sa usa ka libong inmates gipahukas sa ilang t-shirt ug gipagawas sa ilang mga selda samtang gihimo ang pagsiksik gikan sa posibling gipangtaguan nga mga kontrabando .
Tood man nasakmit ang ubay –ubay nga mga kontrabando apil na ang mga appliances .
Sa selda ni Go adunay nakuha nga mga condom , cellphone ug drug paraphernalia .
Apan unique ang pagpahigayon sa maong greyhound operation sa Mandaue City Jail tungod kay samtang gipadayon ang search sa mga selda gitukaran usab sila sa banda sa PRO-7.
